Vi feirer grunnlovsjubileet 1814-2014
OLA THORSRUD
Det er no 200 år sidan Noreg fekk si eiga grunnlov. Dette skal feirast
over heile landet og gjennom mykje av året. Starten går sundag 23.
februar.
| Bagn kyrkje hadde ei
viktig rolle. Den 25. februar 1814 var det ekstraordinær bededag i
mange kyrkjer i Noreg. Bagn kyrkje vart då utpeika saman med mange
andre som valkyrkje. Her skulle det vere valg av valgmenn som
skulle velje utsendingar til riksforsamlingen på Eidsvoll.
I Bagn vart prest Hans Jacob Stabel vald ut. Han vart også utpeika til å vere med i riksforsamlinga på Eidsvoll. Av totalt 14 prestar på Eidsvoll var altså presten vår éin av dei. Dette må markerast, og difor blir gudstenesta på Bagn den 23. februar klokka 11.00 ei spesiell gudsteneste. Ho set 1814 på dagsorden og heidrar dei som var med å gjere Noreg til det vi er i dag. |
|
Det er utarbeidd spesiell liturgi til denne dagen. Det blir innslag med song
og langeleik. Det blir ei kort tale om Stabel, og vi kan sjå kopi av
fullmakter og skilt som vi har fått i samband med jubileet. Dette er
fellesgudsteneste for heile Sør-Aurdal.