Vekas "Fire linjer"
ELDOR BRÅTHEN
Firelinaren denne veka har tittelen « Demokratisk problem». Han seier litt
om dei problema vi gamle kan støyte på, og det faktum at dei som bestemmer,
ikkje alltid vil høyre på oss.
Eg strevar, men eg har tileigna meg ein liten bit datakunnskap, så pass
mykje at eg har vorte nokså avhengig av pc-en.
Når webmailen til Eidsiva sviktar, slik han har gjort mykje i seinare tid,
vert det «trevaleg». Andre har det vanskeleg pga. avstand og kostnad. Da
hjelper det lite å vera ung og kunnig.
Partiet ein hører til i, vil gjerne vite kva ein er oppteken av, men det bør
helst skje via internettet. Da Åge Hovengen var stortingsmann, reiste han
rundt i bygdene, prata med folk og drakk kaffi i lag med dei. Ja, det seiest
at jamvel Einar Gerhardsen let seg sjå på våre kantar, langt borte frå
hovudstaden og partikontoret.
Eg har spurt før, men eg tek gjerne oppatt spørsmålet: – Kor vart det av Åge
Hovengen, dvs. politikarar med hans og «landsfaderen» Einar G. si interesse
for å møte folk ansikt til ansikt? Og for sikkerheits skuld; spørsmålet går
til sentrale politikarar i alle parti, ikkje berre til dei eg er på lag med.
Demokratisk problem
Du som ble født for lenge sia,
skjønner hver dag: Du er ute av tida.
Det sies så fint at Folket skal tale,
men satses helst på det digitale.